والله الخادمات يسون شيء مايطري على البال واذكر قصه حصلت مع احد المشائخ في مكه ان الخدامه سوت حلا(طرطه) وكانت مشهوره عند كل من يعرف اهل الشيخ من اصدقاء وغيرهم بعمل الطرطه الرائعه وعندما ارادت السفر قالو لها سوي لنا طرطه من ايدك قبل سفرك وسوي لاهلك حتى تأخذيها معك لبلدك وفي الصباح وداها الشيخ لمطار جده الدولي ويوم وصلوا المطار وباقي على الرحله ساعه ذكرت عليها الطرطه فقالت لكفيلها الشيخ نسيت الطرطه وانا لازم ارجع لها قال كيف والرحله قربت والبيت بعيد فانجنت قال لازم ارجع شوي ويعلنو عن رحلتها وهو يقول لها لاتكبري الموضوع ان شاء الله مرات جايه وقالت لا لا لا .. والله وهو يروح للأمن ويخليهم يدخلوها لرحلتها وسافرت ويوم رجع الشيخ لبيته وهم حزنانين على فراق تلك الخادمه وعلى ما اعتقد انها سوت خروج نهائي يعني ماهي راجعه مره ثانيه وفي الليل قالو جيبو الطرطه اللي نستها خلونا نأكلها وجابوها وجابو السكين ويوم قطعوها ما قدرو السكين تقف وهم يحاولو ويستغربو وفي الاخر حصلو انها حاطه صيغ ذهب زوج كفيلها وحاطه اشياء ثمينه داخل الطرطه فعرف الشيخ لماذا تريد ان ترجع لكن الله حفظ للشيخ ماله .
ومشاكل الخادمات كثيره خاصة في السعوديه من قتل وسرقه وسحر وغيره وافضل ما قرأت عن تلك المشاكل لللاستاذ محمد القحطاني في كتبه العباره عن اجزاء تحت اسم قصص واقعيه وحقيقيه.
وشكرا واسف على الاخطاء لاني كتبتها على عجله
الأحد أبريل 11, 2010 2:59 pm
