ياهـيـه حـنـا قـبـل عـصـر المفالـيـس
تاريـخـنـا يـعــرف بـكــل الـبـقـاعـي
يوم الزمـان الشيـن والخيـل والعيـس
وقفـاتـنـا تـشـهـد علـيـهـا الـسـبـاعـي
لــو حـاولـوا تشويهـنـا شـلـة ابلـيـس
تــرى الثـوابـت مايجيـهـا ضـيـاعـي
والـبــاب مـايـقـفـل بـلـيــا تـرابـيــس
ولا ينطح اهل الحرب كود الشجاعي
علومـنـا مـاهـي بـخـلـف الكـوالـيـس
نمشـي علـى وضـح النقـا مانـراعـي
ربعي من ارض القدس لديار بلبيـس
عـلـى عــدو الله تـشـب الـصـراعـي
وفي بر الاردن كـل ربعـي نواميـس
فـي ديـرة الجـازي طويـل الذراعـي
وبأرض السعوديـه لنـا مجـد ماقيـس
مايقـدروا طمـسـه خـبـاث المسـاعـي
وياشاري الصوره ويامرهـي الكيـس
من فضل رب البيـت ماحنـا جياعـي
مايـجـهـل الـتـاريـخ روس وفـريــس
تاريـخـهـم مايطـمـسـوه الـرعـاعــي
ربعـي حويطـاتٍ ســوات القرانـيـس
يوم الزمـان الشيـن والامـن ضاعـي